Ром хот нь МЭӨ 753 онд байгуулагдсан Европын ууган хотуудын нэг бөгөөд эртний соёл иргэншилийн нийслал юм. Ромыг III зуунд "Мөнхийн хот" (латин. Roma Aeterna, Urbs Aeterna) гэж нэрлэдэг байжээ. Эртний ромын яруу найрагч Альбий Тибулл I зуунд өөрийн бүтээлдээ "Мөнхийн хот" гэж дурьдаж байжээ.

Ром хотод Фиумичино буюу Леонардо да Винчигийн нэрэмжит олон улсын нисэх буудал нь Италидаа хамгийн томд тооцогддог бөгөөд Италийн хамгийн том 100 компанийн төвүүд байрладаг. Мөн Чампино хэмээх хоёр дахь нисэх онгоцны буудалтай.

1955 онд Ромын метро нээгдэж, өнөөдөр Ромын метро нь A, B, C гэсэн гурван шугамтай. C шугам нь Сан Жованни өртөөнөөс А шугамаар дамждаг. D шугамыг 2035 онд нээхээр төлөвлөж байгаа ч археологийн олдворын улмаас барилгын ажил ихэвчлэн саатаж түр зогсдог байна.

Тус хотод автобус (350 чиглэл, 8000 гаруй зогсоол), трамвай (39 км зам, 192 зогсоол) зэрэг хөгжсөн маршрутын сүлжээ бий. 2005 онд троллейбусны үйлчилгээг сэргээсэн.

Ром хот Апеннины хойгийн төвд байралдаг тул Италийн төв хэсэгт байрлах төмөр замын гол зангилаа болсон. Ромын гол галт тэрэгний буудал "Термини" нь Европ дахь хамгийн том буудлуудын нэг бөгөөд өдөрт 400,000 гаруй зорчигчдод үйлчилдэг байна. Хоёр дахь чухал галт тэрэгний өртөө "Тибуртина" нь одоо өндөр хурдны галт тэрэгний терминал болгон өөрчлөн зохион байгуулагдаж байна.

Ром дахь хувийн тээврийн системд такси болон Noleggio Auto Con Conducente ("Жолоочтой машин захиалаг") багтдаг. Ром дахь бүх таксинууд зөвхөн цагаан өнгөтэй байдаг. Таксины үнэ болон Ромын хотын захиргаанаас олгосон лицензийн дугаарыг таксины хаалган дээр бичсэн байдаг. Мөн таксины ар талд лицензийн дугаартай төмөр самбар байдаг. Ром хотын захиргаанаас нийт 993 таксины лиценз олгосон байдаг ажээ.

• Ромын чуулган (латин. Forum Romanum), Эртний Ромын эдийн засаг, улс төр, шашны төв.
• Эзэнт хааны чуулганууд (латин. Fori imperiali), эртний архитектурын барилгуудын балгасуудын цогцолбор.
• Колизей (латин. Colosseum), Эртний Ромын амфитеатр буюу задгай цэнгэлдэх хүрээлэн.
• Пантеон (итал. Pantheon), "Бүх бурхдын сүм" гэгддэг Эртний Ромын уран барилга.
• Капитолийн толгод (латин. Capitolium, Capitolinus mons, итали. il Campidoglio, Monte Capitolino) нь Эртний Ром хот боссон долоон толгодын нэг юм. Энэ толгод нь дэлхийн хамгийн эртний олон нийтийн музей болох Капитолийн музей, эзэн хаант Маркус Аурелиусын хөшөө байдаг.
• Их цирк (латин. Circus Maximus).Эртний Ромын хамгийн том морин тойруулга.
• Аппиа зам (латин. Via Appia) Эртний Ромын хамгийн чухал олон нийтийн зам.
• Гэгээн Анжело цайз (итали. Castel Sant' Angelo) Дундад зууны үед цайз болгон шинчилж баригдсан.
• Гэгээн Петрийн цогчин дуган (итали. Basilica di San Pietro), Европ дахь хамгийн том сүм, католик шашны төв (Ватикан улсын нутаг дэвсгэр дээр байрладаг).
• Пиазза Навона (итали. Piazza Navona) Жиан Лоренцо Бернини-гийн барьсан "Дөрвөн голын усан оргилуур" бүхий талбай.
• Испаний талбай (итали. Piazza di Spagna) болон Испанийн шат (итали. Scalianta di Spagna). Испанийн шат нь Испаний талбай дахь завины усан оргилуураас Сантисима Тринита деи Монти (итали. Ss. Trinita dei Monti) сүм рүү хөтөлдөг.
• Треви усан оргилуур (итали. Fontana di Trevi), Ромын хамгийн алдартай усан оргилуур бөгөөд хамгийн үзэсгэлэнтэй "Яст мэлхийнусан оргилуур" (итали. Fontane delle Tartarughe) гэж үздэг.
• Вилла Боргезе (итали. Villa Borghese) - Ромын Париоли дүүрэг дахь урлагийн музейтэй ландшафтын цэцэрлэгт хүрээлэн.
• Пигорини Мүзей (итали. Museo Pigorini) эртний түүх, угсаатан зүй судлалын хүрээлэнтэй улсын мүзей.

• Ром хотын албан ёсны сайт (Итали хэлээр)
• Ром хотын аялал жуулчлалын албан ёсны сайт (Англи хэлээр)
• Ромын музейнууд (Итали хэлээр)
• Ватиканы музейнууд (Англи хэлээр)
• Эртний Ромын загварууд
•  Commons: Roma – Викимедиа дуу дүрсний сан

Иш татахад гарсан алдаа: <ref> tags exist for a group named "lower-alpha", but no corresponding <references group="lower-alpha"/> tag was found